Ai 13 e 14 di Jugn dal 2025 si è davuelzût a Gurize il torneu internazionâl di balon “Minority

Nations Cup”; tal torneu e an partecipât sîs scuadris muasculinis e dôs femininis, rispetivamenti:

dôs rapresentativis (rapresentative F-VJ under 19 e rapresentative Slovene) e cuatri selezions

nazionâl (minorance Slovene in Italie, Selezion Furlane (masculine e feminine), minorance Slovene

in Carinzie, selezion Ladine (masculine e feminine)).

Tal dopomisdì dal 14 di Jugn le Nazionâl Furlane feminine dilunc dai imnis pre-partide cuintri la

rapresentative Ladine e â espost un strisson cun su scrit: “PLUI FURLAN A SCUELE”.

Parcè une sielte dal gjenar?

La ASF Associazion Sportive Furlane e à volût sotlineâ la grivie situazion dal insegnament de

lenghe e de culture furlane te scuele.

Le partide cuintri le rapresentative Ladine e je stade perfete: e à metût a confront dôs realtâts di

popui di minorance identichis, Furlans e Ladins, che à apartegnin al stes grop lenghistic.

Dutis dos pupiladis dal art. 6 de Costituzion Taliane e da la leç 482/1999; dutis dôs comunitâts di

minorance che no àn un Stât daûr che ju difint (come che invesit à an i Slovens in F-VJ o i Todesc

in Sudtirol, par esempli).

Pur jessint dôs realtâs identichis, e par dile dute, le popolazion furlanofone e je vincj voltis plui

numerose di chê de comunitât ladine, la situazion da lenghe te scuele e je dal dut diferente.

Dâts ae man:• Il model scolastic ladin al è tri-lengâl: talian, todesc e ladin; invesit, il model scolastic furlan al è mono-lengâl: talian e vonde.

• Lis oris setimanâl te scuele primarie di insegnament dal ladin: des 4 aes 7 oris (dipend de zone);

invesit, lis oris setimanâl te scuele primarie di insegnament dal furlan: des 0 aes 2 oris

(extracurricolâr, second de volontât de famee);

• Lis oris setimanâl te scuele secondarie di insegnament dal ladin: des 2 aes 4 oris (obligatorîs);

invesit, lis oris setimanâl te scuele secondarie di insegnament dal furlan: des 0 aes 1 ore

(facoltative e rarissime).

• In Val Gardena e Val Badia il ladin al è doprât come lenghe veicolâr, ven a stai utilizât par

insegnâ altris materîs; par furlan il veicolâr nol esist propit.

• Par i ladins esistin canai universitâris specifics par la formazion dai insegnants di ladin (es.

Istituto Ladino Micurà de Rü); l’insegnament a nivel universitari de lenghe furlane nol è

contemplât (nocate la presince dal CIRF te Universitât dal Friûl).

Par concludi: tes valadis Ladinis si insegne il ladin a scuele ogni dì, in Friûl il furlan di spes nol

jentre nancje tes aulis.

Chiste e je une contradizion: la lenghe furlane a conte tante plui int che la tabae ma e â mancul

dirits; epûr las comunitâts ladinis e furlanis a son tuteladis cu lis stesis leçs.

I pretendin une istruzion publiche che a rispeti la nestre lenghe e la nestre culture.

La nestre identitât no je folklôr: PLUI FURLAN A SCUELE.